Josu Amilibiaren hirugarren agintaldia

EH Bildu izan da garaile Adunan, 230 boto eskuratuta; Josu Amilibiak jarraituko du alkate.

EH Bilduk soilik aurkeztu du zerrenda Adunan. Guztira, 230 boto eskuratu dituzte, hau da, boto guztien %93,11. Horiez gain, hamazazpi boto zuri egon dira baita hamahiru baliogabe ere.

Emaitza horiekin, Josu Amilibiak jarraituko du alkatetzan eta koalizio abertzalearenak izango dira udaleko zazpi zinegotziak ere.
Partaidetza %73,04koa izan da eta %2,83 egin du gora azken udal hauteskundeetakoarekin alderatuta. Orduan ere zazpi zinegotziak EH Bilduk lortu zituen, 205 botorekin. PPk, berriz, zortzi boto lortu zituen.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!