Klik egin eta Korrikaren alde egin dute adunarrek. Horretarako, dozenaka herritar elkartu dira plazan eta argazkia atera dute. Korrika eguna antolatu dute gaurko eta egun osoko egitaraua izan dute. Hain zuzen ere, goizean III. Pintxo lehiaketa egin dute plazan eta pintxo eta sagardo dastaketa ere egin dituzte. Argazkia atera ondoren, berriz, bazkaltzera joan dira Zabala sagardotegira kalejiran eta, ondoren, erromeria izan dute.
Aduna izango da Korrika igaroko den eskualdeko lehenengo herria. Hain zuzen ere, apirilaren 13an pasako da goizeko 3:10ean.
