Azaroak 11, igandea
10:00. Herri Azoka antolatu dute auzolanean.
Azaroak 12, astelehena
19:00. Euskaraz, zergatik? solasaldia Elordi plazako lokalean. Senegalgo Adamarekin, Holandako Karin Van der Woorpekin eta Azerbaijango Tarana Karimekin.
Azaroak 13, asteartea
19:00. Elordi plazako lokalean, Estatutu berria: nondik nora? mahai-ingurua, Igotz Alkorta kazetariak moderatuta. EAJko Luke Uribe-Etxeberriak, EH Bilduko Pello Urizarrek eta Elkarrekin Podemoseko Julen Bollainek hartuko dute parte.
Azaroak 14, asteazkena
19:00. Kirolari handia izatea nuen amets eta... izenburuarekin solasaldia egingo dute kirolariek Elordi plazako lokalean. Asier Illarramendi, Oinatz Bengoetxea eta Iñaki Artola gonbidatu dituzte Adunara.
Azaroak 15, osteguna
18:00. Uztartza aurrean, Euskaraldiaren informazio mahaia jarriko dute.
19:00. Ogiaren ibilia herritarren parte hartzearekin burutu den dokumentalaren estreinaldia egingo dute, elizan, pantaila handian. Emanaldiak, igandeko Herri Azoka egunean grabatutako irudi bilduma eta Euskaraldiaren ikus-entzunezkoa ere izango dira.
Azaroak 16, ostirala
20:30. Handia filma eskainiko dute. Emanaldiaren ondoren filmean parte hartu duten aktore eta hainbat eragileren bisita izango dute eta haiekin solasaldia egiteko aukera izango da.
Azaroak 17, larunbata
18:30. Elizan Denboraren taupadak antzerkia izango da umeentzat Patata Tropikala taldearen eskutik.
20:30. Pilotalekuan, Eusko Label produktuekin osatutako pintxoekin afari-merienda egingo da.
21:00. Trikiti Gaua egingo dute frontoian. Izer eta Alabier, Kris, Maixa eta Irati, Julen Alonso eta Eneritz Aulestia eta Leire, Eider eta Maider ariko dira.
Azaroak 18, igandea
10:00. Aburuza eta Zabala sagardotegietara bisita gidatua.
Ondoren. Hamaiketakoa.
12:00. Elizara eta kanpandorrera bisita gidatua.
Ondoren. Txistulariak herriko plazan.