Urriaren 25ean, larunbata, 10:00etatik 14:00etara eta 16:00etatik 20:00etara izango dira saioak eta urriaren 26an, igandean, berriz, 10:00etatik 14:00etara. Begirada, jolasa, entzutea, emozioen kudeaketa eta konplizitatea bezalako gaiak landuko dituzte tailerrean.
Ez da beharrezkoa izango aurrez esperientzia edukitzea eta parte hartzaileek sudur gorria eta arropa erosoa eraman beharko dituzte. Horrekin batera, tailerrean erabiltzeko jantziak, zapatak, kapelu, betaurreko eta bestelako gailuak eraman ahal izango dituzte.
Adunako Zubitxiki poligonoan, 15. zenbakian dago kokatuta Asvinenea arte eszenikoen laborategia eta bertan emango da tailerra urriaren 25 eta 26an.