Atzo lehertu zuten txupinazoa Adunan, eta Kuadrillen Eguna dute gaur. Eguerdian, The Joselontxo´s txaranga ibili dira herrian giroa jartzen, eta eguerdian 14 kuadrilla bildu dira herriko frontoian bazkaltzeko. Antolatzaileek adierazi dutenez, inoizko jendetsuena da gaurko bazkaria, 250 pertsona inguru bildu baitira mahaiaren bueltan.
Arratsaldean, jolasak egingo dituzte The Joselontxo´s txarangak alaituta. Poteoaren ondoren, sabela betetzeko modua izango da, ogitartekoak egingo dituzte gerturatzen direnentzat. Gauean, DJ Txispitas arituko da musika jartzen, eta adunarrek beren etxeetako trapu zaharrak ateratzeko eguna ere badute gaur: mozorro gaua egingo dute 80 hamarkada gaitzat hartuta.
Ikusi hemen egitaraua.
