Adunako Udalak eta Gipuzkoako Foru Aldundiak 500.000 euro inguru inbertitu dituzte GI-3021 errepidea konpontzen. Gaur goizean inauguratu dute Larraitz Ugarte Mugikortasuneko eta Bide Azpiegituretako diputatuak eta Josu Amilibia Adunako alkateak.
Zizurkiletik Adunara doan errepidea konpontzen aritu dira azken hilabeteetan, eta lanen ondorioz 4 metroko zabalera izatetik 6 metro izatera pasa da. Orain, gainera, 2 metro zabaleko espaloia egin diote ibilbide osoan, ezkerraldean, igoerako norabidean.
Lanak Zubieder enpresak egin ditu, eta 500.000 euro inguruko kostua izan dute. Lan hauek egiteko udalak lurrak bideratuditu eta lanen %39 ordaindu du, gainerakoa Foru Aldundiak jarri du.
