Egunero garaiko eta tokiko produktuekin prestatutako etxeko janaria eskaintzen dute, ingurune paregabean, herriaren bihotzean.
26 lagunentzako jantokia daukate Herriko Txokoan eta ostatu atarian gune zabala daukate mahaiekin eguraldiarekin otorduak emateko baliatzen dutena. Herritarrentzat zerbitzua osatzeko, okindegia eta oinarrizko produktuekin denda txiki bat dute. Bertan, gertuko elikagaiak jartzen dituzte salgai.
Sukaldaritza zintzoa eskaintzen dute ostatuan, etxean egindako janari tradizionala, elikagai freskoekin egina. Larretako esnekiak edota Argaia Goenako haragia erabiltzen dute besteak beste, eta gainerakoan ia ez diete kanpoko hornitzaileei erosten, bertako sukaldean egindakoekin osatzen dute menua. Kroketak, adibidez, etxean bertan egindakoak izaten dira. Bereziki arrakasta dute baserriko oilaskoak, bakailaoak, haragi bolek eta txerri-masailek.
Astegunetan –astelehen eta astearteetan izan ezik– 16 euroan eguneko menua eskaintzen dute –postrea eta kafea barne– eta asteburuetan jaki bereziagoekin prestatzen dute karta; horrekin batera, pizzak, ogitartekoak, plater konbinatuak eta hanburgesak ere eskaintzen dituzte.
Eskolako zenbait umek eguerdiko otordua ostatuan egiten dute eta haientzako menu osasuntsuak prestatzen dituzte.
Herriko Txokoan eguneko menuak indartu nahi dituzte aurrerantzean eta arduradunek adierazi dute eskakizun berezietarako prestasuna dutela, baita ohiko ordutegitik kanpora zerbitzua emateko ere; aurrez adieraziz gero taldeentzako menuak prestatzeko borondatea dute ostatuan.
Txindokin edo inguruko mendietan egun bat igaro ondoren energia berreskuratzeko edo ospakizun berezietarako aproposa da Herriko Txokoa. Eskuzabalik hartuko dute bertan bisitaria eta herri bertako bezeroa. Oraindik ere ezagutzen ez duenak okasio polita du izango du hemendik aurrera.
- Helbidea. Hirigunea gunea 1 (Abaltzisketa)
- Telefono zenbakia. 943 68 14 80
- Instagram. @herrikotxokoa
- Webgunea. herrikotxokoa.com