Zortzi txantxo eta konpainia, herrian barrena

Ohitura galdu gabe atera dira gaur ere Abaltzisketako txantxoak herrian zehar ibilbidea osatzera; aurten, estreinakoz, emakume batek hartu du parte dantzan.

Inauteri giroan pasa dute goiza Abaltzisketan. Goiztiar ibili dira txantxoak, baita trikitilari, 'mozorro' eta saskia pasatzen duena ere. Herriko etxe eta baserriak pasa dituzte, atari bakoitzean dantza eginez. Makilak izan ohi dituzte esku banatan, eta dantzatzerakoan makilak jotzen dituzte, lo dagoena esnatzeko moduan.

Aurten, berrikuntza bat izan da: lehen aldiz, emakume batek hartu du parte txantxoetan. Orain arte denak gizonezkoak izan dira. Orendain aldeko baserrietatik hasi dira eta herrira gerturatu dira goiz erdian. Eta handik, Gaintza aldera kokatuta dauden baserrietara jo dira, gero Larraitz aldera joateko. Larraitzen bukatu dute ibilbidea, nahiko dantza eginda, nahiko makila jota eta herria guztiz alaituta.

Erlazionatuak

Atari guztiak alaitu dituzte

Abaltzisketa

Txantxoak baserriz baserri eta etxez etxe ibili dira goiz osoan zehar, Abaltzisketan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!