Abaltzisketako Udalak euskara ikastaroak herrian izateko aukera zabaldu du. 2020-2021ko ikastaroak urrian hasiko lirateke. Seme-alabei ulertzeko eta laguntzeko; kalean ulertzeko eta hitz egiteko; euskarazko komunikabideak ulertzeko; edo tituluren bat ateratzeko baliatu daitezke euskara ikastaro horiek.
Abaltzisketako Udaleko webgunean dago eskuragai bete beharreko orria. Datu pertsonalak betetzeaz gain, zein mailatan apuntatu nahi den zehaztu beharko da, eta baita eguneko zein momentutan datorkion ondo klaseak hartzea.
Irailaren 17a baino lehen orria bete, eta udaletxean aurkeztu beharko da. Jarraian, euskaltegia jarriko litzateke harremanetan izena eman duenarekin.