Herriko plazaren bueltan begi ugari, plazak San Joan dantza eta soka dantza berreskuratu eta etenik gabe dantzatu dutela ospatzeko herritarrek zer prestatu ote zuten jakin-minez. Eta aurrez pantaila erraldoia, eta soka dantzaren nondik norakoak azaltzen dituen muntaiaren proiekzioa; urteetan atzera joan eta garai bateko dantzariak eta anekdotak ere mimoz prestaturik zituzten.
Ondoren, gutxinaka-gutxinaka, eta suaren bedeinkazioa ahaztu gabe. Suak plazaren erdian hartzen duen protagonismoa inongo momentutan ahaztu gabe, maisutasunez su hori bizi mantentzeko ardura zainduz, plaza dantzariz betetzen joan zen; gazte, gaztetxoagoak oraindik, helduak, helduagoak oraindik... Adin guztietako dantzariek (5-70 urte artekoak), askok seguruena, azken urteotan, alkandora zuria eta praka urdinak ahaztuta izandakoak, berriro lisatu, apain-apain jarri eta hanka gora altxatzeko abilezia berreskuratu behar izan zuten.
Ordaina, ikusleen begiak zabal-zabalik eta dir-dir eginda. Txalo zaparrada ere jaso zuten dantzari eta antolatzaileek 30. urteurren borobila borobiltzeko.
_tokikom_735x413.jpg)