Aurtengoa 16. zaldi lasterketa izan da. Ander Iruretagoienak 4 minutu eta 5 segundoko denbora behar izan zuen ibilbidea burutzeko.
Zaldi lasterketaren ondoren, herritarren arteko jokoak izan ziren, non herriko 16 gaztek hartu zuten parte 6 jokotan (lokotx biltzea, txingak, korrika, gurpila mugitzea, sagar bilketa eta soka saltoan). 2 taldetan banatuta, saio parekatu eta entretenigarri bat eskaini zuten.
Jende dezente bildu zen Abaltzisketara, eta eguraldi bikainak lagundurik arratsalde polit bat pasatu ahal izan zuten bertan. Zaldi lasterketa eta jokoen ondoren, Elustondo anai arrebekin erromeria izan zuten herriko plazan.
Zazpi partaide izan dira zaldi lasterketan, eta azkarrena Ander Iruretagoiena donostiarra izan da 'Eusebio' zaldiarekin.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!