Haizeak zapuztu du Larre Irekiera Eguna, Larraitzen

Tolosaldeko Ataria 2015ko mai. 1a, 13:48

Larre Irekiera Eguna zen gaur Larraitzen, baina eguraldi txarrak bertan behera utzi arazi ditu prestatutako ekitaldiak. Ez da izan ez posturik ez eta animaliarik ere.

Haizeak gogor astindu ditu. goizaldetik hasita, jarrita zeuden postu eta toldoak. Eta tarteka-tarteka botatzen dituen euri zaparradak direla eta postuak ez jartzea erabaki dute. Era berean, musika, herri kirolariak,... guztia bertan behera geratu da. 12:00ak bueltan, ordea, larreak ireki dituzte eta abere batzuk urteroko ohiturari jarraituz Aralarko zelaietarako bidea egin dute.

Jende ugari igo da Larraitzera eta ia guztiak ezustean harrapatu ditu. Inork ez zuen espero gaurko eguna bertan behera geratuko zenik. Jose Antonio Irastorza basozainak "pena" agertu du, baina horrelako haize eta euriarekin ez dela posible muntaketa lanak egitea adierazi du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!