Santo Tomasko peria, txorixua eta ogia dio abesti ezagunak, eta hamaika izango dira, bihar, abestiari men egin eta jaki horiek dastatuko dituztenak. Abaltzisketan, ordea, egutegiari aurre hartu eta gaur bertan ospatu dute San Tomas azoka.
Janari, arropa, osagarri nahiz fruituak eskuragarri izan dira frontoiko postuetan, eta artzain-andre jantziekin atondu dira herritar guztiak. Arratsaldean, berriz, mus txapelketa izan dute.