Perretxikoak identifikatzeko ikasteko ikastaroa antolatu du Fraisoro Eskolak

Fraisoro Eskolak mikologia munduan hasteko eta perretxikoak modu seguruan identifikatzen ikasteko ikastaro espezifiko bat antolatu du Zizurkilgo egoitzan. Ekimena Aranzadi Zientzia Elkarteko adituen eskutik etorriko da, eta perretxikoak ezagutzeko eta bereizteko oinarrizko teknikak landuko dituzte bertan, zale zein herritar interesdunei zuzendutako prestakuntza eskainiz.   

Formakuntza hau azaroan zehar garatuko da, hiru saiotan banatuta. Zehazki, azaroaren 10ean eta 17an arratsaldeko 17:00etatik 20:00etara elkartuko dira, eta azaroaren 14an, berriz, goizeko 09:00etatik 13:00etara. Saioak gaztelaniaz emango dira eta matrikularen prezioa 60 eurokoa da.

Ikastaroaren inguruko informazio gehiago lortu edo izena eman nahi dutenek Fraisoro Eskolara jo dezakete, 688 630 380 telefono zenbakira deituta edo lanerakoprestakuntza@fraisoroeskola.eus helbidera idatzita.