Danena Kirol Elkartea bere 50. urteurrena ospatzen ari da aurten, eta larunbatean Futbol Eguna ospatu zuten. Besteak beste, Manu Gonzalezi omenaldia egin zioten, 40 urtez klubaren alde egindako lanagatik.
Danenako eta Realeko beteranoen artean partida jokatu zuten ere, eta bazkaltzeko elkarteko 250 kide bildu ziren. «Gero eta jende gehiago batzen gaitu Danenak», esan dute elkarteko arduradunek.
Bestalde, eta 50 urteurreneko ekitaldiekin jarraituz, larunbatean Eskolarteko Txikien Txirrindulari Txapelketa egingo da, Fraisoroko igoerarekin.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?