Ekitaldiak 10:00etan hasiko dira, puzgarriak jarriko baitituzte Elbarrena futbol zelaian, Realaren fundazioaren bidez. Ondoren, 12:15ean Manu Gonzalezi omenaldia egingo diote. 40 urte daramatza Gonzalezek elkartean, eta 20 urtez lehendakari izan zen. 12:30ean, Danenako eta Realeko beteranoen arteko futbol partida jokatuko da.
Bazkariaren txanda 14:30ean izango da, Joxe Arregi plazan. 250 pertsona inguru elkartuko dira. Bazkalostean ere jarraituko du jaiak, eta 17:00etan sari banaketak egingo dira jokalarien artean. Egunari amaiera emateko 18:00etatik aurrera DJ baten saioa izango da.