Aurten, Zizurkilgo Danena kirol elkarteak 50 urte bete ditu. Txirrindularitza, futbola, halterofilia, atletismoa eta duatloia lantzen eta sustatzen eman dute urte erdia. Garaipen ugari ere izan dituzte tartean: munduko txapeldunak, kirolari olinpikoak, nazioarteko txapelketan dominak lortu dituzte, Espainiako txapeldunak, Tourreko etapa garaileak...
Elkarteko kideek, dena den, ume eta gazte askorik kirola egiteko aukera ematean egin dute azpimarra. Danenaren familia osatu duten entrenatzaile, zuzendaritzako kide, familia, boluntario eta laguntzaile guztiei eskerrak eman dizkiete urteotako babesagatik. Gaur dute hitzordua guztiek elkarrekin euren eguna ospatzeko.
Goizean, Errealeko fundazioaren eskutik puzgarriak jarri dituzte Danenako futbol zelaian. Eguerdian, Manu Gonzalezi omenaldia egingo diote, eta ondoren Danenako eta Errealeko beteranoen partida izango da. Joxe Arregi plazan bazkaldu ondoren, taldeko jokalari jatorren sari banaketa eta musika izango da DJen eskutik. 
