Igandean izango da ikusgai Gipuzkoako Pasaka Txapelketa-Zizurkilgo Zimiterio Sariko finala, Zizurkilgo Udalak eta Gipuzkoako Euskal Pilota Federazioak (GEPF) elkarlanean antolatutako maila handiko txapelketarena, hain zuzen ere. Eta iazko finala errepikatuko da, gainera: ‘Urbietatarren arteko lehia’ izango da berriro. 11:30ean hasiko da aurrez aurrekoa, Zizurkilgo Zimiterioan.
Bikoteetako bat Xabier Urbieta Otaegik Urbieta II.ak (Behar Zana) eta Andoni Urbieta Etxeberriak Urbieta III.ak (Txost) osatzen dute. Bestea, Ibai Urbieta Etxeberriak Urbieta IV.ak (Txost) eta Jon Urbieta Otaegik Urbieta I.ak (Behar Zana). Iazko finalean Xabier eta Andoni Urbieta izan ziren txapeldunak, partida 13-6 irabazita.