Apirilaren 29a da gaur, Dantzaren Nazioarteko Eguna. Zizurkilgo Bukalai dantza taldeak herritarrak gonbidatu ditu balkoiak eta leihoak apaintzera.
Abarkak, espartinak, oihalak, marrazkiak eta mugimendua iradokitzen duten elementuekin ari dira herriko balkoiak apaintzen. «Keinu xume honekin, dantzak batzen gaituela adierazi nahi dugu; hizkuntzak, adinak eta distantziak gainditzen dituen arte bizia dela, eta komunitate gisa partzen dugun emozioa dela», esan dute Bukalaiko arduradunek.
Zizurkilgo dantza taldeak apaingarriak maiatzaren 24ra arte mantentzeko eskatu du, asteburu horretan eta Maiatza Saltsan ekimenaren barruan, Bukalai Plazara asteburua egingo baita.
