Ruiz de Infante aurrelariarekin batera Sagardui-Gaminderen aurka jokatuko dute finala. Iruñeko pilotaleku eraberrituan lehen txapelak jantziko dituzten pilotariak izatea sekulakoa izango da, eta barruan zuten guztia eman behar izan zuten Lodosako jaialdian aurrera egiteko.
Sagardui-Gaminde bikoak ordu bete eta bost minutu behar izan zuen euren finalerdia gainditzeko, eta Ruiz de Infante-Erasunek ia ordu eta hogei minutu, tanto ikaragarri luzeko bi partidetan. Bi bikoteak erabat hustu ziren Lodosako jaialdian, baina ilusioz beteta hartuko dute igandeko finala. Ruiz de Infantek eta Erasunek finalerdia Goiuri Zabaletari eta Behar Zanako Miriam Arrillagari irabazi zieten 19-22.