Bukalai dantza taldeak herritarrak gonbidatu ditu euren etxeak agertu bihur ditzaten Dantzaren Nazioarteko Egunean. Asteazkenean, apirilaren 29an, ospatuko da eguna, eta eskatu dute balkoiak eta leihoak abarkekin, alpargatekin, oihalekin, marrazkiekin edo mugimendua iradokitzen duten elementuekin apaintzeko.
Zizurkilgo dantza taldearen esanetan Dantzaren Nazioarteko Egunak gogorarazten digu gorputzaren bidez adierazteko dugun gaitasuna, mugimendua, emozioa eta elkarbizitza. «Keinu xume honen bidez, dantzak batzenn gaituela adierazi nahi dugu; hizkuntzak, adinak eta distantziak gainditzen dituen arte bizia dela, eta komunitate gisa partekatzen dugun emozioa dela».
Herria mugimenduz eta sormenez bete dadila espero du Bukalai dantza taldeak, eta eskerrak eman dizkie aurrez parte hartuko duten zizurkildarrei.