Udaleku irekietan begirale edo koordinatzaile gisa eta Gaztezuloko errefortzuko begirale gisa izena emateko deialdiak zabaldu dituzte Zizurkilen. Apirilaren 7tik apirilak 28ra bitarte egongo da zabalik lan-poltsan sartzeko aukera, eta udalean aurrez aurre zein Zizurkilgo Udalaren egoitza elektronikoaren bidez izena eman daiteke.
Honako baldintza hauek bete behar dira lan-poltsan sartzeko: 18 urte beteta izatea eta nahitaezko erretiro-adina ez gainditzea; B2 euskara eskakizuna egiaztatzeko ziurtagiria izatea; sexu-izaerako delituengatik aurrekaririk ez izatea; eta haur eta gazteen aisialdiko begiralearen edo zuzendariaren titulu homologatua izatea.
Hautagaitzarekin batera aurkeztu beharko dira: nortasun agiria, begirale edo zuzendari titulua, euskarazko B2 ziurtagiria eta sexu-delituen 2026ko ziurtagiria. Merezimenduen balorazio lehiaketa izango denez, merezimenduetarako aintzakotzat hartzea nahi den gainerako agiri guztiak ere aurkeztu beharko dira: ikasketa agiriak, ikastaroak, lan esperientzia, uneko egoera…
Elkarrizketa-talde dinamika gainditzea ere beharrezkoa izango da, eta proba hori maiatzaren 15ean egingo dute.