Besteak beste, aurten erreleboka egiteko aukera ere izango da. Izena emateko Web.rockthesport.com helbidean sartu behar da, eta azken eguna apirilaren 13a da. Euskadiko Duatloi Zirkuituaren parte izango da Zizurkilgoa, federatuen mailan. Federatu gabeko kirolariek ere parte hartu ahalko dute.
Aurtengo beste berritasuna Duatloi Txikia da. Egunean bertan egingo dira izen emateak, 10:30etik aurrera, eta 11:00etan hasiko dira probak taldeka: 2-5 urte, 6-8 urte eta 9-11 urte. Parte hartzaileek bizikleta eta kaskoa eraman beharko dituzte.
Futboleko Alebin Txapelketa
Danenaren urteurrenaren ekitaldiei dagokienez, datorren astean futboleko Alebin Txapelketaren lehen fasea jokatuko da Elbarrena futbol zelaian. Asteartetik ostiralera izango dira partidak goiz eta arratsaldez, eta 36 talde ariko dira lehian. Ostiral arratsaldean egingo da sari banaketa.