Zizurkildarrek herrian bertan Gabonetako erosketak egiteko aukera dute gaur. Jan-edana, jantziak eta osagarriak, edota etxeko apaingarriak dira, batik bat, erosleek topatuko dituztenak. Herriko elkarteek, noski, aukera baliatzen dute euren postuak jartzeko, eta dirua ateratzeaz gain, euren lana ezagutarazteko.
2026ra begira
2026a ate joka da, eta gaurko azokan ere agerian geratu da. Batetik, herritarrek bertan jaso dute Zizurkilgo Udalak osatutako egutegia, zizurkildarrek bidalitako argazkiekin. Bestetik, AEKk 2026ko hitzordu nagusiari begirako postua jarri du: Korrika. Martxoaren 19an hasita, 11 egunez eta 10 gauez, etenik gabe, Korrikak Euskal Herria zeharkatuko du 24. aldiz. Gaur, gainera, materiala erosteko aukera dago Zizurkilen.