Abenduak 3, Euskararen Eguna ospatu dugu Otañon. Egun honetako egitaraua berezia izan da. Ikasleek hainbat ekintzaz gozatzeko aukera paregabea izan dute, baita familiek ere.
Goizeko lehen orduan Euskararen sua piztu dugu elkarrekin frontoian.
Ondoren Haur Hezkuntzako ikasleek party aparta izan dute gimnasioan eta LHko ikasleek, berriz, pertsonaia ospetsuen bisita izan dute, Inge Vidaurre eta Igor Frances arraunlariena, hain zuzen.
11:30ean ikasle ordezkariek Joxe Arregi plazan horma-irudia jarri dute.
Arratsaldean, herri kirolak eta euskal haur jolasak izan ditugu Otañoko frontoian, eskolako ikasle, ikasle ohi eta familiekin batera. Gaztaina erreak janez eman diogu amaiera egun berezi honi.