Asteartean bezala, asteazken gauean ere su eman zieten Zalduako biribilguneko edukiontziei. Ertzaintzak egilea identifikatu eta atxilotu egin zuen, eta euren esku geratu da auzia.
Suak bizilagunengan haserre handia eragin duela esan du Zizurkilgo Udalak, baina baieztatu du ez dela kalte pertsonalik izan. Azken egunetako gertakariak «gogor» gaitzetsi ditu udalak, eta herritarrei gogorarazi die jokaera ez-zibikoen aurrean ezinbestekoa dela erantzun arduratsua izatea. «Halako egoerak antzemanez gero, berehala jarri Udaltzaingoarekin edo Ertzaintzarekin harremanetan. Guztion artean herri seguruago eta errespetuzkoagoa eraiki dezagun», azpimarratu du Maite Amenabar alkateak.