Zizurkilgo Udalak balantzea positiboa egin du bai Elbarrenako jaietan bai Herrigunekoetan: «Parte hartzea handia eta giro bikaina izan dira nagusi».
Udalak salatu nahi du, dena den, portaera «desegoki» batzuk izan zirela, eta herritarren esku-hartze arduratsuari esker egoera berehala eta behar bezala bideratu zela.
Udalak eskerrak eman dizkie Herriguneko zein Elbarrenako batzordeei eta jai egun guztietan lana egin duten boluntario eta udal langileei egindako ahaleginagatik.
Maite Amenabar alkateak adierazi du festak aberasgarriagoak direla herritarrek zuzenean antolatzen dituztenean, eta etorkizunean ere parte hartze aktiboa bultzatuko duela berretsi du.