Irekita dago Zizurkilgo Azoka Berezian postuak jartzeko eskaera egiteko epea. Urriaren 12an ospatuko da azoka aurten, igandearekin, eta ohiko moduan artisau postuek eta nekazaritza postuek osatuko dute. Herriko nahiz inguruko ekoizle eta saltzaileek izango dute parte hartzeko aukera.
Postua jarri nahi dutenek urriaren 3ra arteko epea dute izen emateko. Eskaerak aurrez aurre egin daitezke udaletxean edo udal bulegoetan, astelehenetik ostiralera, 09:00etatik 14:00etara. Aldi berean, erregistro elektronikoaren bidez ere egin daiteke izen ematea, https://labur.eus/azokapostua helbidean.
Udalak herritar eta ekoizle guztiak gonbidatu ditu azokaren giro berezian parte hartzera, artisautza eta nekazaritzako produktuak protagonista izango diren jaian.