Zizurkilgo Joxe Arregi plazara gerturatu diren gaztetxoek indar erakustaldia egin dute gaur goizean. Aritz Segurolak eta Beñat Garciak prestatuta, herri kirol probak eta crosstraining-a egiteko aukera izan dute. Harri-jasotzen, txingatan, pisuak altxatzen, soka-tiran eta beste hainbat jolasetan aritu dira.
Atzo izan zuten Zizurkilgo festen lehen egun ofiziala eta gaur Gazte Eguna dute. Eguerdian gazteen bazkaria izango da plazan. Arratsalderako ekitaldi gehiago iragarri dituzte:
- 17:00. Haurrentzat Potx magoa Aurrera plazan.
- Ondoren. Txokolatada Aurrera plazan.
- 17:30. Ondoezik elektrotxaranga herrian zehar.
- 19:00. Buruhandiak Joxe Arregi plazan.
- 22:45. Suzko zezena.
- 23:00. Kontzertuak: Labar eta Merina Gris.
- Ondoren. DJ La Fulana.