Zizurkilgo Elbarrena jaien txupinazoa botatzeko bezperan, Zizurkilgo XVI. Kros Mistoa egingo da. Asteazkenean egingo dute, irailaren 3an, eta proba 19:00etan hasiko da. Korrikalariek zirkuituari lau itzuli emango dizkiote, guztira 5 kilometro osatuz. Bertan parte hartu ahalko dute 2011. urtean edo aurrez jaiotakoek. 18:00etan zabalduko dute izena emateko aukera eta doan da. Afarien zozketak egingo dituzte parte hartzaileen artean, eta probaren ondoren dutxatzeko aukera izango da Danena kirol klubaren aldageletan.
Kros mistoa hasi aurretik, 18:45ak aldera, haurren lasterketa egingo da. Bertan 2012. urtean edo ondoren jaiotakoek parte hartu dezakete, eta ez da izen ematerik egongo.