Guztion osasuna lehenesteko hartu du erabakia Zizurkilgo Herri Bulla festa batzordeak.
Beroagatik alerta emana dagoela eta, federazioarekin hitz egin ondoren, Zizurkilgo jaietako idi probak bertan behera uztea erabaki du antolakuntzak. “Guztion osasuna lehenesteko erabakia izan da”, esan du jai batzordeak. 18:00etarako zegoen iragarrita proba.
Sagardo dastaketa eta trikiti emanaldia, berriz, plazan beharrean Zimiterioan egingo dira, 19:30etan hasita.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!