Irailean izango diren Zizurkilgo Elbarrenako jaietarako egitarauaren portada erabakitzeko lehiaketa deitu du festa batzordeak. Uztailaren 15era arte aurkeztu daitezke lanak udal bulegoetan, Plazida Otaño liburutegian edota zizurkilgofestabatzordea@gmail.com helbidean.
Paperean aurkeztuz gero DIN A4 formatuan aurkeztu beharko da portada eta, digitalean aurkeztuz gero, berriz, JPG formatuan, gutxienez, 300 p.p.p.-ko gutxieneko bereizmenarekin. Zizurkilgo Jaiak 2025. Irailak 4, 5, 6, 7, 8 eta 9 testuak agertu beharko du azalean. Proposamenak argitaratu gabea eta jatorrizkoa beharko du izan eta teknika librea erabiliz, nahi adina kolore erabili daitezke.
Azal irabazleak 150 euroko saria eta herri afarirako bi gonbidapen eramango ditu.