Urbietarren arteko lehia izango da: Urbieta II (Behar Zana)-Urbieta III (Txost) eta Urbieta IV (Txost)-Urbieta I (Behar Zana) bikoteek neurtuko dituzte indarrak. 12:00etan hasiko da final erakargarria, Zizurkilgo Zimiterioan.
Zizurkilen ospatzen ari diren Maiatza Saltsan-en ekitaldien parte izango da aurten Gipuzkoako Pasaka Txapelketako finala, eta GEPFk bere mendeurrenean euskal pilotaren espezialitate guztiak ezagutarazteko eta bultzatzeko helburuarekin bat egingo du, era berean. Udalak zein pilota federazioak Zizurkilera joateko gonbita egin dute.