Zizurkilgo Marir Brizard likore enpresan greba deitu du ELA sindikatuak, maiatzaren 13, 15, 19, 21 eta 23rako. Gaur egun, 53 langile aritzen dira enpresan eta, besteak beste, KPItik gorako soldata igoerak eskatu dituzte.
Ohar batean sindikatuak jakinarazi duenez, lanuzteak 07:00etatik 09:00etara eta 15:00etatik 17:00etara egingo dira aipatutako egunetan.
Langileek soldata igoeraz gain, eskatu dute soldata eskala bikoitza murriztea, gau plusa aplikatzea eta txanda kontratatua ezartzea. ELAk adierazi du Marie Brizard «etekin handiak» lortzen dituen multinazional bateko kidea dela, eta ohartarazi du, negoziazioetan aurrerapausorik egon ezean, langileek mobilizazioekin jarraituko dutela.