Zizurkilgo Ernio bideko 4. zenbakian dagoen Villa Encarnación eraikina eraitsiko dute, Zubiondo hirigintza-eremua garatzeko planaren barruan. Asteazkenean hasiko dituzte etxea eraisteko lanak, eta larunbatean amaitzea aurreikusten dute.
Etxebizitza oso egoera kaskarrean dago eta eraisteko agindua du. «Lanek eragozpen puntualak sor ditzakete inguruan. Hori dela eta, herritarren pazientzia eta ulermena eskertzen ditugu, eta eragozpenak ahalik eta txikienak izan daitezen ahaleginduko gara», adierazi du Maite Amenabar alkateak.
Udalak eskerrak eman dizkie, aldez aurretik, inguruko bizilagunei egoera honen aurrean erakutsitako ulermenagatik.