Zizurkilgo Udalak Oporretan Euskaraz udaleku irekietarako eta Gaztezuloko koordinatzaile eta begiraleen lan-poltsa osatzeko deialdia zabaldu du. Hautaketa-prozesua merezimenduen balorazio-lehiaketa bidez egingo da, eta izena emateko epea apirilaren 10ean amaituko da.
Hautagaiek aisialdiko monitore titulua izan beharko dute eta B2 euskara maila egiaztatu. Horrekin batera, talde-dinamika proba eta elkarrizketa egingo dira, hautagaien trebetasun sozialak, talde-lana, arazo-konponketa gaitasuna eta lidergoa neurtzeko. Prozesu hori kanpo enpresa espezializatu batek kudeatuko eta baloratuko du.
Zizurkilgo Udalaren erregistro-zerbitzuan aurkeztu beharko dute eskabidea astelehenetik ostiralera, aurrez aurre; bestela posta bidez edo online egin daiteke Zizurkil.eus helbidean –B@KQ ziurtagiri elektronikoa beharrezkoa da horretarako–.