Iaz herrian erroldatu zirenei ongietorria eman die gaur goizean Zizurkilgo Udalak. Lehenik, Atxulondo kultur etxean elkartu dira udal ordezkariak, Tolosaldea Garatzeneko migrazio teknikaria zein hainbat gonbidatu, eta Zizurkil zein Tolosaldea aurkezteaz gain, bertaratu direnei banatu dizkiete herriko baliabideen gida, euskara hiztegi txiki eta haurrentzako euskarazko ipuin bana.
Hasierako azalpenen ondotik, gonbidatuek euren burua eta istorioa aurkeztu dute laburki eta izan dute zalantzak argitzeko tarterik ere. Jarraian, Joxe Arregi plazara irten dira, besteak beste, liburutegia eta inguruak ezagutzera. Ongietorria eta aurkezpena amaitzera, berriz, autobusean igo dira herrigunera.