Urtarrilaren 13tik 17ra Faxismoa eta arrazakeria Euskal Herrian erakusketa izango da ikusgai Zizurkilgo liburutegian Kontseilu Sozialista Tolosaldeak antolatuta. Ekimenaren barruan, ostiralean, urtarrilaren 17an, hitzaldia antolatu dute liburutegian bertan faxismoaren eta arrazakeriaren erroetan arakatzeko eta gaur egungo errealitatearen azterketa egiteko. 18:00etan izango da hitzaldia eta itzulpen zerbitzua eskainiko dute bertan.Kontseilu Sozialista Tolosaldearen ustez «kezkagarria» da faxismoa eta arrazakeria hartzen ari diren indarra. «Kolektibo zaurgarrien aurkako gorroto diskurtsoak, etorkinei emandako jipoiak eta bestelako hainbat eraso orokortzen ari dira Euskal Herrian», aipatu dute.Egoera horri aurre egiteak «berebiziko urgentzia» du Kontseilu Sozialistaren ustez.
