Xabier Aranburu, Jokin Eizmendi, Aimar Galarraga, Gari Garmendia eta Imanol Royo aritu dira gaur, Zizurkilgo Intxaur frontoian, Harri Handien Gipuzkoako Txapelketan. Lau harrirekin aritu dira: 200/175 kiloko laukizuzena, 200/175 kiloko zilindroa, 150 kiloko kubikoa eta 125 kiloko bola. Harri bakoitzarekin 2 minutuko saio bana egin dute. Pasa den urtean lesio baten erruz finala galdu ostean, berriz ere txapelaren lehian izan da Jokin Eizmendi zarauztarra, eta baita lortu ere; berak jaso ditu kilo gehien, 5.450 guztira. Bigarren Xabier Aranburuk egin du 5.200 kilo jasota eta hirugarren Gari Garmendiak 4.950 kilorekin. Aimar Galarrak 4.000 kilo jaso ditu eta txapelketako finalista gazteena, Imanol Royo zarauztarra, izan da azkena 3.750 kilorekin.
Sailkapena:
1. Jokin Eizmendi (Zarautz). 5.450 kilo (6-8-9-12).
2. Xabier Aranburu (Idiazabal). 5.200 kilo (5-7-9-13).
3. Gari Garmendia (Idiazabal). 4.950 kilo (4-7-7-15)
4. Aimar Galarraga (Orio). 4.000 kilo (4-6-6-10)
5. Imanol Royo (Zarautz). 3.750 (3-5-6-11)