Zizurkilgo Udalak komunikazio bideak zabaldu ditu, udal kudeaketa herritarrengana gehiago hurbiltzeko. Aurrerantzean, herritarrek Instagram kontua eta WhatsApp kanala jarraitzeko aukera izango dute, herriko informazio zein ekitaldien berri izan dezaten.
«Herritarrekin komunikazio zuzena eta azkarra izatearen garrantzian sinesten dugu. Horregatik, udal informazioa modu eraginkorrean eta denbora errealean eskaintzea ahalbidetzen duten kanal berri hauek abiarazi ditugu», adierazi du Maite Amenabar alkateak. «Hurbiltasuna eta gardentasuna dira gure kudeaketaren funtsezko zutabeetako bi. Instagram eta WhatsApp kanalaren bidez, herritarrengandik gertuago egon nahi dugu, unean behar duten informazioa egungo plataformen bidez eskainiz».
Bi kanal horiekin, Zizurkilgo Udalak komunikazio zuzen eta gardenarekiko duen konpromisoa berretsi nahi izan du. http://labur.eus/ZIZWkanala estekan klikatuta harpidetu daiteke WhatsApp kanalera eta @zizurkilgoudala izenarekin topatuko dute herritarrek Instagrameko kontua.