OTC Gipuzkoako Eraldaketa Energetikorako Bulegoak, Zizurkilgo Udalarekin elkarlanean, Energia Argitu programaren barruan, azaroaren 11an eta 18an bi saio praktiko antolatu ditu, 18:00tan, Plazida Otaño liburutegiko aretoan. Batetik, etxebizitzarako berokuntza sistemarik egokiena zein den ezagutzeko tailerra eta, bestetik, etxebizitzetan energia berriztagarriak ezartzeko aukeren inguruan informatzeko tailerra antolatu ditu. Autokontsumoko instalazioen gida praktikoa banatuko dute saioetan.
Tailer hauetan parte hartu nahi duten herritarrek, lehen tailerrerako azaroaren 8a eta bigarren tailerrerako azaroaren 15a baino lehen eman beharko dute izena; saioak aurrera egiteko ezinbestekoa da aldez aurretik ikasleen kopurua ezagutzea. Horretarako, honako bideak erabil daitezke:
• Posta elektronikoa bidaltzea ondorengo helbidera: energiabulegoa@gipuzkoa.eus
• Honako telefono zenbakira deitzea: 605 757 687 (astelehenetik ostiralera. Ordutegia 9:00-18:00)
• Informazio osagarria: www.argitu.eus
Energia Argitu programaren helburua Gipuzkoako sektore ezberdinei (etxebizitzak, merkataritza, enpresa txikiak, etab.) energiaren kontsumoaren murrizketa lortzeko, eraginkortasuna handitzeko eta energia berriztagarriak bultzatzeko tresnak eskura jartzea da.