Hogeita seigarren aldiz ospatu dute Zizurkilgo Azoka Berezia. Ohi bezala, Zimiterioa, Pedro Mari Otaño plaza, Teodoro Hernandorena kalea eta Intxaur pilotalekua poztuz bete da. Hain zuzen, baserrietako produktu freskoak eta artisautza postuak izan dira; denera 47 postueta horietako zortzi zizurkildarrak izan dira. Eguraldia lagun izan dute goiz guztian zehar eta jendetza bildu da Herrigunean.
Iaz bezala, aurten ere txikienek pottoka gainean ibiltzeko aukera izan dute San Millango belazean. Aurten, ordea, berrikuntza bat izan da, eta Trapagarandik etorritako harri zulatzaileen erakustaldia egin dute frontoi txikian, Iriarte parean. Hori ikustera bertaratu diren herritarrek ofizio hau praktikatzeko aukera izan dute.
Urtero bezala, Azoka Bereziak elkartasun kutsua izango du eta El Salvadorren aldeko talo postua jarri dute zenbait herritarrek. Bestetik, Zizurkilgo Pedro Mari Otaño eta Mendigai eskolek ere euren postua jarri dute, El Salvadorreko Henry Ortiz eta El Barrialeko ikastetxeentzat dirua biltzeko.
