Martxan jarri dute XXIII. Teodoro Hernandorena ipuin lehiaketa. Azaroaren 15a baino lehen lan bakoitzaren bi kopia entregatu beharko dira Zizurkilgo udaletxean edo udal bulegoetan.
Andoain, Aduna, Alkiza, Asteasu, Amasa-Villabona, Anoeta, Irura, Larraul eta Zizurkilgo herritarrek parte hartu ahal izango dute lehiaketan, bost mailatan banatuta eta gutxieneko luzera duten lanak aurkeztuta: A maila 2016-2018 urte artean jaiotakoak (orrialde 1); B maila 2013-2015 urte artean jaiotakoak (2 orrialde); C maila 2011-2012 urte artean jaiotakoak (gutxienez 2 eta gehienez 4 orrialde); D maila 2008-2010 urte artean jaiotakoak (gutxienez 3 eta gehienez 8 orrialde); E maila 2007 urtetik atzera jaiotakoak (gutxienez 5 eta gehienez 12 orrialde). Gaia librea izango da eta epaimahai aditu batek erabakiko du lan sarituak zein diren.
Abenduaren 20an egingo da sari banaketa ekitaldia. A eta B mailakoen artean opariak banatuko dituzte. C mailan, lehen saria lortzen duenak 90 euro eramango ditu, D mailan 150 euro eta E mailan 450 euro. Kategoria horietan ere bigarren sarituek opariak jasoko dituzte.