Urretxuko Labeaga aretoan jokatu da 2024ko Gipuzkoako Bertsolari Txapelketako lehen final zortzirena. Andoni Rekondo hernaniarrak irabazi du, 496,5 punturekin. Garaipenari esker, final laurdenetara sailkatu da, zuzenean; azaroaren 3an kantatuko du, Tolosan. Unai Mendizabal zizurkildarrak ere kantatu du Urretxun, eta bigarren izan da, 489,5 punturekin.
Honela geratu dira saioko puntuazioak:
- Andoni Rekondo Izagirre: 496,5
- Unai Mendizabal Jauregi: 489,5
- Jon Gurrutxaga Urbieta: 451,5
- Mikel Iturriotz Etxaniz: 450,5
- Ane Zuazubiskar Iñarra: 444,5
- Antton Aizpurua Aldape: 428,5
Ion Zaldua Brit billabonatarra aritu da gai-jartzaile. Epaile, berriz, Bakarne Urteaga Etxeberria, Eneritz Azkue Basurko, Iñigo Legorburu Arregi, Jon Diaz de Mendibil eta Zigor Leunda Eizmendi tolosarra. Idazkari lanetan, aldiz, Aratz Irazustabarrena Garmendia alegiarra aritu da.
Gaur, Lasarte-Orian
Gaur jokatuko da bigarren final zortzirenetakoa, Lasarte-Orian. Amaia Iturriotz Etxaniz, Iñigo Mantzizidor Larrañaga, Manu Goiogana Bengoetxea, Aner Peritz Manterola Euzkitze, Oier Etxeberria Zubimendi eta Aitor Zubikarai Salegi ariko dira bertsotan, eta Haritz Alberdi izango da gai-jartzailea.
Saio horretarako nahiz aurreragokoetarako sarrerak bertsosarrerak.eus atarian daude eskuragai.