Zizurkilgo familia zaurgarrien elikadura premiei erantzuteko, hiru hilabetez behin Aiztondo Mankomunitateak Elikagaien Bankua jartzen du martxan. Elikagaiak Oiartzungo Elikagaien Bankutik jasotzen dira eta lotetan antolatzen dira, familia bakoitzaren beharren arabera: haur txikiak dituztenak, adineko pertsonak, familia ugariak, alergia edo gaixotasunengatik behar bereziak dituztenak… Zizurkilen 60 familia inguruk jasotzen du oinarrizko laguntza hori.
Irailaren 20an 09:30etik 13:30era prestatuko dira Zizurkilgo familien artean banatzeko loteak. Lan hau herriko boluntarioek egiten dute. Herrian lagundu eta elikagai loteak egiteko prest daudenek, Aiztondo Mankomunitateko bulegora deitu beharko dute, 943 693 930 zenbakira.