Hamabosgarrenera iritsi da aurten Zizurkilgo Kros Mistoa. Danena elkarteak antolatzen duen lasterketa irailaren 3an izango da, 19:00etan hasita, eta 2010. urtean eta aurrez jaiotako edonork parte hartu ahalko du.
Proba 5 kilometrokoa izango da, lau itzuli mena beharko zaizkiolarik ibilbideari. 18:00etan irekiko dute izen ematea, eta dohainik egin ahalko da. Bukaeran, parte hartzaile guztien artean afarien zozketa egingo dute. Antolatzaileek azaldu dutenez, lasterkariek dutxatzeko aukera izango dute Danena elkartean.
Helduen lasterketaren aurretik haurren txanda izango da. 2011. urtean edo ondoren jaiotakoek parte hartu ahal izango dute, eta ez da beharrezkoa izango izena ematea.