Ziotza pilota elkarteko haurren partidak jokatu dituzte goizean Intxaur frontoian. Ikusmin handia sortu dute partidek eta harmailak bete dituzte herritarrek. Pilotalekuaren kanpoaldean, berriz, erraldoiak eta buruhandiak eta Loatzo musika eskolako txistulariak zeuden zain, kalejirari ekiteko prest. Bada, behin finalak amaituta, eta herritarrak pilotalekutik irtetearekin batera, Loatzoko kideen doinuekin lagunduta kalejirari ekin diote erraldoiek eta buruhandiek, eta euren atzetik joan dira herritarrak.
Herri bazkaria egin dute gero, eta bazkalostean bingoa eta jolasak izan dituzte. Arratsaldean, 19:00etatik aurrera Txorongo txaranga izango dute, eta festak amaitzeko musika izango da protagonista. 23:00etan Eire eta Añuberen kontzertua izango da, eta ondoren DJ Naza arduratuko da musika jartzeaz.
