Gaur abiatuko dituzte Amabirjin jaiak Zizurkilgo Herrigunean. Lau eguneko festa prestatu du jai batzordeak eta gaur goizean ekin diote egitarauari. Herriko gazteak 06:30etan abiatu dira baserriz baserri oilasko bilketa egiteko. Eguraldi txarra iragarrita zegoen arren, jai giroan egin dute ibilbidea, trikiti eta pandero doinuek lagunduta.
Pedro Mari Otaño plaza izan dute azken geldialdia. Bertan, eraso sexisten aurkako herri argazkia atera eta dantzaldia egin dute. Herritar ugari bildu dira bertan oilasko biltzaileek eskainitako emanaldiaz gozatzeko. Goizean zehar, haur eta gaztetxoentzako eskulan tailerrak ere izan dira Intxaur pilotalekuan.
Arratsaldean jarraituko du jai giroak Herrigunean. 18:00etatik aurrera, Distopia elektrotxaranga izango dute herrian zehar suziria lehertu aurreko orduak girotzen. Horren ostean ofizialki abiatuko dituzte Amabirjin jaiak, 20:00etan.
Ikusi hemen egitarau osoa.