Denok Danena halterofilia taldekoak lehiarako aukera izango dute larunbatean, Zizurkilen. 17:00etatik hasita, Espainiako Ligako hirugarren jardunaldia izango da jokoan Pello Mari Otaño herri ikastetxean. Bertan 15 urtez azpiko Zizurkil-Villabonako gazte taldea, 8 pultsulari guztira, ariko da lehian eta beraiekin batera helduak diren taldeko beste 5 pultsulari ere izango dira.
Bestalde, larunbat honetan, Denok Danena taldeko Eki Lizaso Valentzian izango da Ekaitz Kortajarena entrenatzailearekin, Espainiako Junior Txapelketan, eta bertan egiten dituen markak izango dira Espainiako Ligako III. Jardunaldirako balioko diotenak. Taldeko gainontzeko pultsulariek, hurrengo larunbatean, uztailak 20, Gipuzkoako Senior eta Master Txapelketan izango dira Irunen (Urantzu frontoia) goiz eta arratsaldez, eta hango emaitzak balioko die Espainiako Ligako jardunaldian puntuatzeko.