Larunbatean Zizurkilen Duatloia egingo dute. Zizurkilgo Udalak herritarrei dei egin die kotxea ahalik eta gutxien hartzeko, eta kirolari eta antolakuntzako ibilgailuentzat tokia uzteko, Joxe Arregi plaza inguruko aparkalekuak libre uztea gomendatu die.
Lasterketan boluntario bezala arituko direnek, dagokien puntura joateko kotxea behar badute, herritik urrunago uzteko gomendioa luzatu du udalak, Eroski inguruko lantegietan edota Muñoa eta Beldarrain kaleetan esaterako.